சிங்காரச் சென்னை அழகாகத் தெரிந்திட்டால்

அடையாறும் கூவமும் வருநாளில்

அழகாகத் தெரிந்திட்டால்

மடை பாயும் வெள்ளமென

மக்கள் கூட்டம் நிறைந்திடுமே

பூந்தோட்டம் நாட்டிடுவர் - பின்பு

புதுப் பொலிவு பண்ணிடுவர்

காண்போரை வியக்க வைக்க

கண்காட்சி நடத்தி நிற்பர்

மூக்கைப் பிடித்து முன்னர்

வீதியிலே சென்றவர்கள்

நாக்கில் சுவையூற

வேர்க்கடலை கொறித்து நிற்பர்

நாளை வருநாளில் நல்ல

புதுச் சேதி கொண்டு வரும்

வாளை விராலுடனே நதி

நல்லழகு பெற்று விடும்

பார்க்கும் இடமெங்கும் கூவம்

புதுப் பொலிவு பெற்றுவிடில்

நோக்கும் உலகம் இந்தச்

சிங்காரச் சென்னை தனை