தியாவின் பேனா

இது அமெரிக்காவின் மினேசொட்ட மாநிலத்தில் உள்ள ஒரு நூலகத்தின் வரவேற்பு பதாதை இது. இதில் தமிழ் இடம்பெற்றுள்ளது ஒரு சிறப்பாகும். அதை நீங்களும் பாருங்கள் நட்புகளே.

என் தேவதையே உன்னை நான் நேசிக்கிறேன் என்று சொன்னால் நீ கோபிப்பாய் அதனால் இன்னும் சொல்கிறேன் நான் உன்னையே சுவாசிக்கிறேன்... என்னவளே - உன் கரம் பிடித்து இன்று ஐந்தாண்டு கடந்தாலும் நேற்றுப் போல் இனிக்கிறதடி இன்றும் வாழ்க்கை...

வணக்கம் நண்பர்களே எல்லோரும் நலம்தானே.... நான் தியா.... அமெரிக்காவின் பனிபொழியும் எழில்மிகு மாநிலமாம் மினிசோட்டாவில் இருந்து எழுதுகிறேன். இன்றுடன் நான் இங்கு வந்து ஒரு மாசம் ஆகப்போகிறது. இணைய வசதிகள் இல்லாமையால் உங்களுடன் இணைய முடியாமல் கவலையில் மூழ்கியிருந்தேன். அதைவிட வந்தவுடன் வேலையில் இணையவேண்டிய அவசியமும்..... அதனால் நட்புகளாகிய உங்களுடன் இணைவதற்கு போதிய அவகாசம் கிடைக்கவில்லை. குறிப்பாக பல நண்பர்கள் நலம் விசாரித்து மற்றும் தேடியும் இருந்தீர்கள் உங்கள் அனைவருக்கும் நன்றி. இனி இணையம் சீரானதும் உங்களுடன் முன் போல இணைந்திருப்பேன். நன்றி என்றும் அன்புடன்.... தியா

நாள்:- 14 .10 .2000 உன் பேச்சு என் நெஞ்சில் தேன் வார்க்கும் உன் மூச்சு உள் மனதைத் தாலாட்டும் நாள்:- 15 .10 .2000 என் கண்ணும் உன் கண்ணும் சங்கமிக்கும் அந்தச் சங்கமத்தில் இருவருக்கும் சுகம் பிறக்கும் நாள்:- 16 .10 .2000 உன் மனமும் என் மனமும் கவி வடிக்கும் உன் மௌன மொழிக் கூட்டினுள்ளே காதல் பிறக்கும் நாள்:- 17 .10 .2000 உன் செவ்விதழில் பல்வரிசை பேச்சுரைக்கும் அந்தப் பேச்சினிலே என் நெஞ்சில் தேன் சுரக்கும் நாள்:- 18 .10 .2000 நீளும் நாட்களிலே நீதான் என் உயிர் மூச்சு வீசும் காற்றினிலும் மெதுவாய் உன் சலனம் நாள்:- 19 .10 .2000 என் இதயத்துள் புகுந்து கொடி நாட்டினாய் உன் வெட்கத்தால் என்மேல் வலை வீசினாய்