இடுகைகள்

பிப்ரவரி, 2012 இலிருந்து இடுகைகளைக் காட்டுகிறது

காதலி தினம்

படம்
என் காதலுக்கு 

உயிரோட்டம் தந்தவளே 
ஒற்றை வார்த்தைச் 
சொல்லில் கட்டிப் போட்ட
வித்தகியே...

இந்த நாளில் 
உன் வாய் திறந்து 
நீ உரைத்த 
தித்திக்கும் செந்தமிழே 
இன்னும் என் 
செவியில் உன் 
நினைவுகளை மீட்டும் 
தாரகை மந்திரமாய்...

ஒவ்வொரு நாளும்
ஒவ்வொரு வழியிலும் 
என் சிறந்த தோழியாய் 
நீ....

நீ என் இனிப்புப் பெட்டகம் 
அன்பான வார்த்தைகளின் 
சொந்தக்காரி 
கண்களில் 
வைரக்கல் பதித்த 
காதல் ஓவியம் 
நீ உன் செவ்விதழ் என்ற 
காதல் ரோஜாவால் 
என் இதயத்தில் 
பூச்செண்டு முடித்து வைத்தாய்.

உன் மென் விரல்கள் 
என்னைத் தொடும் போதெல்லாம் 
என் இதயம் 
மெல்லிய வெப்பத்தை 
உணர்கிறது.

உண்மையில் நீ 
என் இரத்த ஓட்டமாக 
இருப்பதால் தான் 
நான் - நீ - 
'நாம்' என்றானோம் போலும்.